មកស្គាល់មុខមនុស្សចង្រៃ បាចដែកគោល និងវីស តាមផ្លូវស្ពានអ្នកលឿង
ខេត្តកណ្តាល ៖ សមត្ថកិច្ចនគរបាលស្រុកលើកដែក បានឱ្យដឹងថា បុរស ២នាក់ ដែលធ្វើសកម្មភាព បាចដែកគោល និងវីស បង្កផលវិបាកដល់ម្ចាស់យាន្តជំនិះគ្រប់ប្រភេទ បែកកង់ឥតល្ហែ នៅពេលកន្លងមក ពេលនេះ សមត្ថកិច្ចនគរបាល ស្រុកលើកដែក ខេត្តកណ្តាល បានកៅហៅបុរស ០២នាក់ ដែលបានប្រព្រឹត្តិល្មើស បញ្ឈប់លែងឱ្យបើកធ្វើអាជីវកម្ម ប៉ះកង់ឡាន និងម៉ូតូចល័ត នៅតាមផ្លូវលើស្ពានអ្នកលឿង តទៅទៀតហើយៗ ក្នុងករណីរកឃើញ នៅមានអាជីវកម្មនេះ បន្តធ្វើសកម្មភាព នាថ្ងៃខាងមុខទៀត សមត្ថកិច្ច នឹងរឹបអូសយកសម្ភារទាំងនោះ មករក្សាទុក..។ ជាងនេះទៀត ក្នុងករណី សមត្ថកិច្ច រកឃើញថា មានជនណា បាចដែកគោល និងវីស តាមផ្លូវ នាទីតាំងខាងលើទៀត នឹងត្រូវចាប់ខ្លួន កសាងសំណុំរឿង បញ្ជូនទៅកាន់តុលាការផ្ដន្ទាទោស ដើម្បីជាការព្រមានឱ្យរាងចាល៕
