ប្រកួតកីឡា ដើម្បីមិត្តភាព សុខភាព ទេសចរណ៍ និងសប្បុរសធម៌
ខេត្តព្រះសីហនុ ៖ កម្មវិធីប្រកួតបាល់ទាត់ រវាងក្រុម «កម្ពុជាថ្ងៃនេះ» ឬ Cambodia Today ខេត្តព្រះសីហនុ និងក្រុមកីឡាបាល់ទាត់ The Spirit Football Team មកពីខេត្តសៀមរាប បានបិទបញ្ចប់ដោយរលូន ក្នុងន័យ ដើម្បីបំផុសវិស័យទេសចរណ៍ មិត្តភាព សុខភាព និងសកម្មភាពសប្បុរសធម៌ បានបិទបញ្ចប់ហើយ កាលពីល្ងាចថ្ងៃសៅរ៍ ទី២០ ខែកក្កដា ឆ្នាំ២០២៤នេះ នៅតារាងបាល់ទាត់ ស្តារក្រោន ក្រុងព្រះសីហនុ។
បន្ទាប់ពីចូលរួមប្រកួត យ៉ាងស្វិតស្វាញ ដោយប្រើរយៈពេល ៩០នាទី គឺក្រុមកីឡាបាត់ទាត់ The Spirit Football Team មកពីខេត្តសៀមរាប បានយកឈ្នះ ក្រុម Cambodia Today ប្រចាំខេត្តព្រះសីហនុ ក្នុងលទ្ធផល ៨ ទល់ ៤គ្រាប់។
យ៉ាងណាក៏ដោយចុះ ក្រោយបិទបញ្ចប់ការប្រកួតមិត្រភាពនេះ ក្រុមកីឡាបាល់ទាត់ទាំងពីរក្រុម ក៏បានសហការរួមគ្នា នាំយក សម្ភារ:សិក្សាមួយចំនួន ឧបត្ថម្ភជូន អង្គការម្លប់តាប៉ាង ដែលជាអង្គការមួយមានមូលដ្ឋាន នៅក្រុងព្រះសីហនុ ហើយធ្វើការងារពាក់ព័ន្ធជាមួយកុមារ ស្ថិតក្នុងគ្រួសារក្រីក្រ ឬកុមារកំព្រាតូចៗ ជាពិសេសកុមាររស់នៅតាមចិញ្ចើមផ្លូវសាធារណៈជាដើម ដែលខ្វះសម្ភារៈសិក្សាជាដើម..៕
