ក្មេងទំនើងញៀនថ្នាំញៀនម្នាក់ វាយចៅអធិការព្រះជន្មជាង ៧០ព្រះវស្សារបួសធ្ងន់ នៅខេត្តតាកែវ
ខេត្តតាកែវ ៖ យុវជនម្នាក់ប្រើថ្នាំញៀន បានវាយទៅលើព្រះធិការវត្ត មានព្រះជន្មាយុជាង ៧០ព្រះវស្សា ត្រូវបានកម្លាំងសមត្តកិច្ចនគរបាលស្រុកបាទី ខេត្តតាកែវ ធ្វើការចាប់ខ្លួន កាលពីថ្ងៃទី២២ ខែមីនា ឆ្នាំ២០២៣ យកទៅចាត់ការតាមច្បាប់ ដើម្បីកុំឱ្យរាតត្បាតក្នុងភូមិស្រុក ។
ជនសង្ស័យខាងខាងល ឈ្មោះ គង់ ណែត ភេទប្រុស អាយុ ២៦ឆ្នាំ (ជាជនញៀ.នថ្នាំ) រស់នៅភូមិក្រាំប្រទាល ឃុំដូង ស្រុកបាទី ខេត្តតាកែវ ។
សមត្តកិច្ច ឲ្យដឹងថា កាលពីវេលាម៉ោង ៦ល្ងាច ថ្ងៃទី២១ ខែមិនា ឆ្នាំ២០២៣ ជនសង្ស័យប្រើប្រាស់ថ្នាំញៀនខាងលើនេះ បានធ្វើសកម្មភាពវាយព្រះសង្ឃ ព្រះនាម វាល់ លិន ព្រះជន្ម ៧១ព្រះវស្សា ដែលជាព្រះចៅអធិការគង់ នៅវត្តប្រាសាទមានជ័យ ស្ថិតក្នុងភូមិក្រាំងប្រទាល ឃុំដូង ស្រុកបាទី ខេត្តតាកែវ បណ្តាលឲ្យមានរបួសស្នាម ទើបត្រូវចាប់ខ្លួន ។
សមត្តកិកិច្ច ឲឲ្យដឹងទៀតថា ជនសង្ស័យជាមនុស្សញៀនថ្នាំ ហើយតែងអុកឡុកក្នុងទីអារាម ក៏ត្រូវបានព្រះអធិការ ដេញការពារមិនឲ្យចូលវត្ត ពេលនោះទើបរូបគេខឹងហើយ ក៏ប្រើអំពើហិង្សា វាយទៅលើព្រះសង្ឃ បណ្តាលឲ្យរងរបួសត្រូវត្រង់ព្រះកេសចំនួន ៣កន្លែង និងថ្ពាល់ចំហៀងខាងស្ដាំ១កន្លែង រួចគេចខ្លួន ។
ក្រោយកើតហេតុ លោកអធិការស្រុកបាទី ក៏បានចុះសហការជាមួយ កម្លាំងប៉ុស្ដិ៍នគរបាលរដ្ឋបាលដូង ក្រោមការសម្របសម្រួលពីស្ថាប័នអយ្យការអមសាលាដំបូងខេត្តតាកែវ ស្វែងរកចាប់ខ្លួនជនសង្ស័យ ដើម្បីកសាងសំណុំរឿងតាមនីតិវិធី៕
