អាហ្សង់ទីន ឈ្នះជើងឯក World Cup 2022
អាហ្សង់ទីន ៖ ប្រទេសអាហ្សង់ទីន បានក្លាយជាជើងឯកនៃការប្រកួតបាល់ទាត់ពិភពលោក World Cup ជាថ្មី ចាប់តាំងពីឈ្នះការប្រកួតលើកចុងក្រោយបង្អស់កាលពីឆ្នាំ១៩៨៦ មក។
ប្រទេសអាហ្សង់ទីន បានឈ្នះការប្រកួតបាល់ទាត់ពិភពលោក World Cup នៅថ្ងៃអាទិត្យ ទី ១៨ ខែធ្នូ ឆ្នាំ២០២២ ក្រោយពីយកឈ្នះក្រុមបារាំង នៅក្នុងវគ្គកាត់សេចក្ដីប៉េណាំងទី ដែលអាហ្សង់ទីន ទាត់ចូល ៤ គ្រាប់ទល់នឹង ២ គ្រាប់។
ការប្រកួតវគ្គកាត់សេចក្ដីប៉េណាំងទីនេះ ត្រូវបានធ្វើឡើងបន្ទាប់ពីក្រុមទាំងពីរ ទាត់ចូល ៣ គ្រាប់ស្មើគ្នានៅក្នុងការប្រកួតទាំងមូល និងនៅក្នុងការប្រកួតថែមម៉ោងចំនួន ១៥ នាទីពីរដង។
ក្រៅពីទទួលបានពានរង្វាន់ជើងឯកបាល់ទាត់ពិភពលោក World Cup ក្រុមអាហ្សង់ទីន ក៏នឹងទទួលបានប្រាក់រង្វាន់ចំនួន ៤២ លានដុល្លារផងដែរ។
ចំណែក ឯក្រុមបារាំង នឹងទទួលបានប្រាក់រង្វាន់ចំនួន ៣០ លានដុល្លារ៕ ប្រភព៖ VOA
