មួយគ្រួសារស្លាប់៦នាក់ និងរបួសធ្ងន់ម្នាក់ ដោយគ្រោះថ្នាក់ចរាចរណ៍ តាមផ្លូវជាតិលេខ៤ ខេត្តព្រះសីហនុ

ខេត្តព្រះសីហនុ ៖ ជនរងគ្រោះក្នុងគ្រោះថ្នាក់ចរាចរណ៍ តាមផ្លូវជាតិកេខ៤ ស្រុកព្រៃនប់ ខេត្តព្រះសីហន គឺមានអ្នកស្លាប់ កើនដល់ ០៦នាក់ និងរបួសធ្ងន់០១នាក់។ សមត្ថកិច្ច នគរបាលស្រុកព្រៃនប់ បញ្ជាក់ថា ជនរងទាំងអស់សុទ្ធសឹងជាគ្រួសារ សាច់ញាតិនឹងគ្នា។

គ្រោះថ្នាក់នេះកើតឡើង រវាងរថយន្តហាយឡែនឌ័រ និងរថយន្តកុងតឺនរ័ តាមកំណាត់ផ្លូវជាតិលេខ៤ ស្ថិតក្នុងឃុំទួលទទឹង ស្រុកព្រៃនប់ ខេត្តព្រះសីហនុ កាលពីព្រលប់ថ្ងៃទី១៧ ខែសីហា ឆ្នាំ២០២៤ (ស្លាប់០៦នាក់របួសធ្ងន់០១នាក់ សុទ្ធសឹងជាគ្រួសារសាច់ញាតិនឹងគ្នា)។

សមត្ថកិច្ច បន្តថា ខាងភាគីរថយន្ដហាយឡែនឌ័រ បើកបរមានទិសដៅពី រាជធានីភំ្នពេញ ឆ្ពោះទៅ ខេត្តព្រះសីហនុ បើកបរដោយឈ្មោះ អេ សុងហេង ភេទប្រុស អាយុ ២៥ឆ្នាំ មុខរបរជាងជួសជុលម៉ូតូ និងអ្នករួមដំណើរចំនួន០៦នាក់។ មនុស្សទាំង ០៧នាក់ មានទីលំនៅភូមិស្គន់ ឃុំសូទិព្វ ស្រុកជើងព្រៃ ខេត្តកំពង់ចាម។

គ្រោះថ្នាក់នេះ បណ្តាលឱ្យស្លាប់មនុស្សចំនួន ០៦នាក់ និងរបួសធ្ងន់០១នាក់ រួមមាន៖

១. ឈ្មោះ អេ សុងហេង ភេទប្រុស អ្នកបើកបររថយន្ដ (រងរបួសធ្ងន់)
២. ឈ្មោះ អេ ឡៃស៊ីម ភេទស្រី (ស្លាប់នៅកន្លែងកើតហេតុ)
៣. ឈ្មោះ ហេង សុខលាង ភេទប្រុស (ស្លាប់នៅកន្លែងកើតហេតុ)
៤. ឈ្មោះ ចឹង មួយឡា ភេទស្រី (ស្លាប់នៅកន្លែងកើតហេតុ)
៥. ឈ្មោះ អេ ឡៃស៊ន់ ភេទស្រី (ស្លាប់នៅកន្លែងកើតហេតុ)
៦. ឈ្មោះ ប៉ាង សុខ ភេទស្រី (ស្លាប់នៅកន្លែងកើតហេតុ)
៧. ឈ្មោះ ចឹង មួយឆេង ភេទស្រី (រងរបួសធ្ងន់ ហើយក្រោតមក បានស្លាប់នៅមន្ទីរពេទ្យ) ៕