រកឃេីញឧទ្ធម្ភាចក្រ ដែលបាត់ការទាក់ទងពី ទីបញ្ជាការទ័ពអាកាស កាលពីថ្ងៃទី១២ កក្កដានោះហើយ!
ខេត្តពោធិ៍សាត់ ៖ ក្រសួងការពារជាតិ ប្រកាសថា ក្រុមការងាររុករក និងសង្រ្គោះ របស់ក្រសួងការពារជាតិ បានរកឃេីញឧទ្ធម្ភាចក្រ ដែលបានបាត់ការទាក់ទងពីទីបញ្ជាការទ័ពអាកាស កាលពីល្ងាចថ្ងៃទី១២ ខែកក្កដា ឆ្នាំ២០២៤នោះហើយ គឺ តាមរយៈការហោះហើររុករក នៅចំណុចលេីភ្នំយ៉ាវយ៉ៃ ស្ថិតនៅឃុំថ្មដា ស្រុកវាលវែង ខេត្តពោធិ៍សាត់។
ខណៈនេះ កងកម្លាំងថ្មេីរជេីង កំពុងប្រតិបត្តិការ សម្រុកទៅកាន់ទីតាំងនោះ ដេីម្បីសង្រ្គោះអ្នកជំនាញហោះហេីរ របស់យេីងទាំង ២រូប បេីទោះជាកត្តាភូមិសាស្រ្ត និងអាកាសធាតុ មិនអំណោយផល ដល់ការរុករកក៏ដោយ។
លោក ឈុំ សុជាតិ អ្នកនាំពាក្យក្រសួងការពារជាតិ បញ្ជាក់ថា “រកឃើញឧទ្ធម្ភាគចក្រធ្លាក់នោះហើយ ប៉ុន្តែអាកាសយានិក ២នាក់មិនទាន់ដឹងយ៉ាងណាព្រោះត្រូវរង់ចាំកម្លាំងថ្មើជើង ចូលទៅដល់កន្លែងធ្លាក់ជាក់ស្តែងសិន។
លោកបន្តថា កម្លាំងចម្រុះ បានរកឃើញឧទ្ធម្ភាចក្រយោធា Z9 ដែលបាត់ដំណឹងនៅតំបន់ជួរភ្នំក្រវាញហើយ នៅរសៀលថ្ងៃទី២៩ ខែកក្កដា ឆ្នាំ២០២៤នេះ បន្ទាប់ពីបើកប្រតិបត្តិការអស់រយៈពេល ១៧ថ្ងៃ។
ឧទ្ធម្ភាចក្រនេះ ត្រូវបានប្រទះឃើញនៅចំណុចលើខ្នងភ្នំយ៉ាវយ៉ៃ ស្ថិតនៅក្នុងឃុំថ្មដា ស្រុកវាលវែង ខេត្តពោធិ៍សាត់៕
