សមត្ថកិច្ចខេត្តមណ្ឌលគិរី ចាប់ខ្លួនជនសង្ស័យ៧នាក់ ពាក់ព័ន្ធគ្រឿងញៀន
ខេត្តមណ្ឌលគិរី ៖ សមត្ថកិច្ចខេត្តមណ្ឌលគិរី បានចុះបង្ក្រាប និងចាប់ខ្លួន ជនសង្ស័យលើករណី ជួញដូរគ្រឿងញៀនចំនួន ០៧នាក់ និងគ្រឿងញៀនចំនួន ១៦កញ្ចប់ កាលពីថ្ងៃទី១២ ខែមីនា ឆ្នាំ២០២៤ ត្រង់ចំណុច គីឡូម៉ែត្រលេខ៣៤ ស្ថិតនៅក្នុងភូមិឆ្នែង ឃុំស្រែខ្ទុម ស្រុកកែវសី ខេត្តមណ្ឌលគិរី។
កម្លាំងប៉ុស្តិ៍នគរបាលរដ្ឋបាលស្រែខ្ទុម សហការ ជាមួយកម្លាំងជំនាញផ្នែកគ្រឿងញៀនស្រុក និង កម្លាំងជំនាញព្រហ្មទណ្ឌស្រុកកែវសីមា បានចុះល្បាតតាមគោលដៅងាយរងគ្រោះ ស្ថិតនៅក្នុងភូមិឆ្នែង ឃុំស្រែខ្ទុម ស្រុកកែវសីមា ខេត្តមណ្ឌលគិរី ក៏ប្រទះឃើញមុខសញ្ញាសង្ស័យ កម្លាំងសមត្ថកិច្ច ក៏បានហៅធ្វើការសួរនាំ និងឆែកឆែរ បានរកឃើញសារធាតុ សង្ស័យថាជាសារធាតុញៀន មានសណ្ឋានជាក្រាម ព៌ណសរថ្លា ចំនួន ០១កញ្ចប់ធំ ហើយបានឃាត់ខ្លួនជនសង្ស័យភ្លាមៗចំនួន ០២នាក់ រួមមាន៖
១- ឈ្មោះជី ពិសិទ្ឋ (ហៅប្រុស) ភេទប្រុស អាយុ ២៨ឆ្នាំ ជនជាតិខ្មែរ មុខរបរមិនពិតប្រាកដ បានធ្វេីតេស្តវិភាគរកសារធាតុញៀន ក្នុងទឹកម៉ូត្រ ជាលទ្ធផលវិជ្ជមាន ( + )។ ជនសង្ស័យរូបនេះ មានទីលំនៅបច្ចុប្បន្ន នៅភូមិអូអាម ឃុំស្រែខ្ទុម ស្រុកកែវសីមា ខេត្តមណ្ឌលគិរី និងមានស្រុកកំណេីតភូមិកោះធំ ឃុំកោះធំ ស្រុកកោះធំ ខេត្តកណ្តាល។
២- ឈ្មោះ ណេង ផង ហៅ (ក្បង់) ភេទប្រុស អាយុ ៣២ឆ្នាំ ជនជាតិខ្មែរ មុខរបរមិនពិតប្រាកដ បានធ្វេីតេស្តវិភាគរករកសារធាតុញៀន ក្នុងទឹកម៉ូត្រ ជាលទ្ធផលវិជ្ជមាន ( + ) និងមានទីលំនៅបច្ចុប្បន្ន នៅភូមិអូអាម ឃុំស្រែខ្ទុម ស្រុកកែវសីមា ខេត្តមណ្ឌលគិរី។ មានស្រុកកំណេីតភូមិព្រែកឬស្សី ឃុំកំពង់កុង ស្រុកកោះធំ ខេត្តកណ្តាល។ សម្ភារៈ
សម្ភារៈ ដែលសមត្ថកិច្ចរឹបអូសបានរួមមាន ៖
១- ម៉ូតូកែច្នៃ ពណ៌ទឹកមាស គ្មានផ្លាកលេខ ចំនួន ០១គ្រឿង
២- ទូរសព្ទម៉ាក oppo ពណ៌ក្រហម ចំនួន ០១គ្រឿង
៣- សារធាតុសង្ស័យថា ជាសារធាតុញៀនមានសណ្ឋានជាក្រាម ព៌ណសរថ្លា ចំនួន ០១កញ្ចប់ធំ។
ក្រោយពីបានស្តាប់ចម្លើយសារភាព របស់ជនសង្ស័យ ឈ្មោះ ជី ពិសិដ្ឋ បញ្ជាក់ថា រូបគេ បានទិញថ្នាំញៀនពីឈ្មោះ ជាប ផានិត។ បន្ទាប់មកទើប កម្លាំងជំនាញ បានចុះស្រាវជ្រាវ និងឈានទៅឃាត់ខ្លួនជនសង្ស័យ ជាបន្តរបន្ទាប់។ ហើយ បានពន្លាតដែនសម្ថកិច្ច ដោយសហការជាមួយកម្លាំងនគរបាល ប៉ុស្តិ៍ក្រញូងសែនជ័យ និងអជ្ញាធរមូលដ្ឋាន នៅទីនោះបានចំនួន ០២ទីតាំង គឺទីតាំងទី១- ផ្ទះរបស់ឈ្មោះ ប៉េះ និង ទីតាំងទី២- ផ្ទះរបស់ ឈ្មោះ ឡូញ ស្ថិតក្នុងភូមិក្រញូងសែនជ័យ ឃុំក្រញូងសែនជ័យ ស្រុកស្នួល ខេត្តក្រចេះ។
ក្នុងកិច្ចសហប្រតិបត្តិការខាងលើនេះ សមត្ថកិច្ច បានធ្វើការឃាត់ខ្លួន ជនសង្ស័យសរុបចំនួន ០៧នាក់ មានឈ្មោះ៖
១- ឈ្មោះ ជី ពិសិដ្ឋ (ហៅប្រុស) ភេទប្រុស អាយុ ២៨ឆ្នាំ ជនជាតិខ្មែរ មុខរបរ មិនពិតប្រាកដ
២- ឈ្មោះ ណេង ផង ហៅ (ក្បង់) ភេទប្រុស អាយុ ៣២ឆ្នាំ ជនជាតិខ្មែរ មុខរបរ មិនពិតប្រាកដ
៣- ឈ្មោះ ជាប ផានិត (ហៅសក់វែង) ភេទប្រុស អាយុ ២១ឆ្នាំ ជនជាតិខ្មែរ មុខរបរ មិនពិតប្រាកដ
៤- ឈ្មោះ ហយ ផ្លេស (ហៅប៉េះ) ភេទប្រុស អាយុ ៣១ឆ្នាំ ជនជាតិខ្មែរ មុខរបរ មិនពិតប្រាកដ
៥- ឈ្មោះ អូ សីហា ភេទប្រុស អាយុ ២៨ឆ្នាំ ជនជាតិខ្មែរ មុខរបរ មិនពិតប្រាកដ
៦- ឈ្មោះ អេម សាម៉េន (ឡូញ) ភេទប្រុស អាយុ ៣២ឆ្នាំ ជនជាតិខ្មែរ មុខរបរ មិនពិតប្រាកដ
៧- ឈ្មោះ ទ្រី រិទ្ធ ភេទប្រុសអាយុ ២៩ឆ្នាំ ជនជាតិខ្មែរ មុខរបរ មិនពិតប្រាកដ។
ចំពោះជនសង្ស័យទាំង ០៧នាក់នេះ សមត្ថកិច្ច បានធ្វេីតេស្តវិភាគរកសារធាតុញៀន ក្នុងទឹកនោម ជាលទ្ធផលវិជ្ជមាន (+)ទាំងអស់។
សម្ភារៈវត្ថុតាងសរុបរួមមាន៖
១- សារធាតុ ក្រាមព៌ណសថ្លា ជាថ្នាំញៀន (មេតំហ្វេតាមីន) ចំនួន ១៦កញ្ចប់ ក្នុងនោះ មាន ១៤កញ្ចប់តូច និង
២កញ្ចប់ធំ ទម្ងន់ ៧.៨៩ ក្រាម ថ្លឹងទាំងសំបក
២- ជញ្ជីងសម្រាប់ថ្លឹងថ្នាំញៀនចំនួន ០១គ្រឿង
៣- ឧបករណ៍កែច្នៃ សម្រាប់ជក់ថ្នាំញៀនមួយចំនួន
៤- ថង់សម្រាប់វេចខ្ចប់ថ្នាំញៀនមួយចំនួន
៥- ទូរសព្ទចំនួន ០៥គ្រឿង
៦- ម៉ូតូចំនួន ០៤គ្រឿង
ករណីនេះ កម្លាំងការិយាល័យប្រឆាំងគ្រឿងញៀន និងកម្លាំងអធិការដ្ឋាននគរបាល ស្រុកកែវសីមា កំពុងកសាងសំណុំរឿងទៅកាន់តុលាការ ដើម្បីបន្តនីតិវិធីតាមច្បាប់៕ ដោយ ៖ សារ៉េត
