មន្ត្រីមន្ទីរអប់រំ ខេត្តព្រះសីហនុ អំពាវនាវដល់សិស្សានុសិស្ស ត្រូវពាក់មួកការពារសុវត្ថិភាព ពេលជិះម៉ូតូមកសាលារៀន
ខេត្តព្រះសីហនុ ៖ មន្ត្រីមន្ទីរអប់រំ យុវជន និងកីឡា ខេត្តព្រះសីហនុ បានអំពាវនាវ ក៏ដូចជាច្រើនរំលឹកដល់ អាណាព្យាបាលសិស្ស ត្រូវណែនាំកូនចៅ ឳ្យពាក់មួកការពារសុវត្ថិភាព ឳ្យបានគ្រប់គ្នា ពេលធ្វើដំណើរតាមម៉ូតូ ចេញពីផ្ទះ ឆ្ពោះទៅកាន់សាលារៀន និងចេញពីសាលារៀន វិលត្រឡប់ទៅផ្ទះវិញ។
ទាក់ទិនបញ្ហានេះ ថ្នាក់ដឹកនាំនៅតាមសាលាមួយចំនួន ក្នុងខេត្តព្រះសីហនុ ក៏បានចាប់ផ្តើមត្រួតពិនិត្យសិស្សសាលាទាំងឡាយណា ដែលជិះម៉ូតូ មិនពាក់មួកការពារសុវត្ថិភាព គឺមិនអនុញ្ញាតឳ្យចូលក្នុងបរិវេណសាលា ឬមិនអនុញ្ញាត ឳ្យចេញពីសាលានោះទេ។ ការត្រួតពិនិត្យនេះ បានចាប់ផ្តើមពីថ្ងៃចន្ទ ទី០៨ ខែមករា ឆ្នាំ២០២៤នេះតទៅ។ ហើយ ក្នុងករណីរកឃើញសិស្សសាលារូបណា អត់មានមួកការពារ ឬមិនពាក់មួកការពារសុវត្ថិភាព ពេលជិះម៉ូតូ គឺ នាយកសាលា លោកគ្រូ អ្នកគ្រូ មិនអនុញ្ញាតឱ្យសិស្សនោះ ចេញពីសាលារៀនឡើយ ទាល់តែរង់ចាំ ឳពុកម្តាយយកមួកសុវត្ថិភាព មកឳ្យជាមុនសិន ទើបអនុញ្ញាតឳ្យចាកចេញពីសាលា៕ រូបថត៖ Huy Bunleng News
