គ្រោះថ្នាក់ចរាចរណ៍ ស្លាប់មនុស្ស២នាក់ នៅលើផ្លូវជាតិលេខ៤ ខេត្តព្រះសីហនុ
ខេត្តព្រះសីហនុ ៖ កម្លាំងកងរាជអាវុធហត្ថ ស្រុកព្រៃនប់ បានឲ្យដឹងថា មនុស្សចំនួន ០២នាក់បានស្លាប់ ក្នុងគ្រោះថ្នាក់ចរាចរណ៍ នៅម៉ោងជាង ៩យប់ ថ្ងៃទី០៣ ខែមេសា ឆ្នាំ២០២៣ នៅលើផ្លូវជាតិលេខ៤ ចន្លោះគីឡូម៉ែត្រលេខ ១៧៨-១៧៩ ស្ថិតក្នុងភូមិវាលធំ ឃុំវាលរេញ ស្រុកព្រៃនប់ ខេត្តព្រះសីហនុ។
សមត្ថកិច្ច បន្តថា គ្រោះថ្នាក់ចរាចរណ៍នេះ កើតឡើង រវាងម៉ូតូមួយគ្រឿងម៉ាក dream សង់ សេ ១២៥ ពណ៌ខ្មៅពាក់ស្លាកលេខ ព្រះសីហនុ ១F-៥៩១០ បានបុកប៉ះជាមួយម៉ូតូកង់បី មួយគ្រឿងពណ៌ស ពាក់ស្លាកលេខ ព្រះសីហនុ ១j-២៣៣០ ។
ជនរងគ្រោះម្នាក់ ជាអ្នកបេីកបរម៉ូតូ និងម្នាក់ទៀតជាអ្នកបើកបរម៉ូតូកង់បី។
បច្ចុប្បន្ន សមត្ថកិច្ចជំនាញ កំពុងបន្តដោះស្រាយតាមនីតិវិធី៕(រូបភាពពីអ.ហ)
