មន្ត្រីនគរបាលខេត្តព្រះសីហនុ បន្តចុះការអនុវត្តច្បាប់ចរាចរណ៍ នៅតាមគោលដៅនានា

ខេត្តព្រះសីហនុ ៖ នៅរសៀលថ្ងៃ១៧ ខែកុម្ភៈ ឆ្នាំ២០២៣ កម្លាំងនគរបាលចរាចរណ៍ផ្លូវគោកខេត្តពក្នុងព្រះសីហនុដឹក នាំដោយ លោកឧត្តមសេនីយ៍ត្រី សុីធឿន តុលា ស្នងការ​រងផែនការងារចរាចរណ៍ និងសណ្តាប់ធ្នាប់ និង លោកឧត្ដមសេនីយ៍ត្រី វ៉ែន រ៉ាវឿន ស្នងការរងជួយការងារការិយាល័យនគរបាលចរាចរណ៍ផ្លូវគោក ខេត្តព្រះសីហនុ បានដឹកនាំកម្លាំងជំនាញចុះឃាត់រថយន្ត និងម៉ូតូ ល្មើសច្បាប់ ជាពិសេសបើកបរបញ្ច្រាសទិស (មិនគោរពផ្លាកសញ្ញា)​ តាមផ្លូវជាតិលេខ៤ ត្រង់ចំណុចរង្វង់មូលរូបសំណាក សីហរាជមុខបី (មុខរោងចក្រស្រាប្រៀអង្គរ) សស្ថិតក្នុងភូមិ១​ សង្កាត់លេខ១ ក្រុងព្រះសីហនុ ដើម្បីផាកពិន័យតាមផ្លូវច្បាប់​​។

លោកឧត្តមសេនីយ៍ត្រី សុីធឿន តុលា ស្នងការ​រងផែនការងារចរាចរណ៍ និងសណ្តាប់ធ្នាប់ បញ្ជាក់ថា វិធានការនេះធ្វើឡើងតាមគោលការណ៍ របស់គណៈបញ្ជាការឯកភាពរដ្ឋបាលខេត្តដែលមាន  លោក គួច ចំរើន ជាប្រធាន និងបទបញ្ជារ របស់ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ៕